innskraning

 

ÞJÓNUSTUSÍMI 533 2090

Icelandic(IS)


profaou
osesb

Vissir þú...
...að þú getur skrifað út sölureikninga í hvaða gjaldmiðli sem er?
 FRÉTTIR
Skattabreytingar 1. janúar 2010 Skoða sem PDF skjal print email
Miðvikudagur, 30. desember 2009 00:00

Þann 1. janúar 2010 nk. taka gildi breytingar á lögum nr. 50/1988 um virðisaukaskatt og breytingar á lögum nr. 90/2003 um tekjuskatt. Starfsfólk Netbókhalds.is mun sjá um að uppfæra kerfið í samræmi við þessar breytingar. Neðst eru leiðbeiningar fyrir Fjárhags- og Sölukerfið.

Fjárhagskerfi
Búinn verður til nýr vsk-flokkur, 25,5%, auk þess sem nýjir gjalda- og tekjulyklar verða stofnaðir og tengdir við þennan nýja vsk-flokk. Af gefnu tilefni verða aðeins búnir til þeir bókhaldslyklar sem fylgja grunnuppsetningu kerfisins. Þeir notendur sem hafa sjálfir búið til bókhaldslykla er bent á að stofna sambærilega lykla með 25,5% vsk.

Sölukerfi
Þeim vörunúmerum, sem eru tengd við bókhaldslykla sem bera 24,5% vsk, verður breytt þannig að þau tengist nýjum lyklum sem bera 25,5% vsk. Þetta á við um þau vörunúmer sem eru tengd bókhaldslyklum sem fylgdu Sölukerfinu þegar það var fyrst tekið í notkun (500-200, 500-300, 500-377, 500-400 og 500-500). Ef notendur hafa látið tengja aðra bókhaldslykla inn í Sölukerfið er þeim bent á að breyta þeim vörunúmerum sem þarf og velja rétta bókhaldslykla eftir atvikum

Launakerfi
Nýju tekjuskattsþrepin verða sett inn í Launakerfið fyrir lok janúar 2010. Aðrar hefðbundnar áramótabreytingar verða líka framkvæmdar, eins og t.d. hækkun á persónuafslætti. Nánari leiðbeiningar fyrir Launakerfið verða sendar í janúar.

Birgðakerfi
Þeim notendum, sem eru með Birgðakerfið og þurfa eftir 1.janúar að færa innkaup sem áttu sér stað á árinu 2009, er bent á að hafa samband við okkur þar sem gamli bókhaldslykillinn verður ekki lengur virkur. Við munum þá aðstoða við að stilla bókhaldslyklana eftir þörfum.

Áramótafærslur óþarfar
Af gefnu tilefni viljum við árétta að ekki er nauðsynlegt að gera neinar áramótafærslur áður en byrjað er að bóka á nýtt ár. Kerfið heldur utan um fylgiskjalanúmerin og úthlutar nýrri númeraröð á hverju ári. Þannig er hægt að færa á tvö mismunandi ár á sama tíma án þess að kerfið rugli þessu saman.

Leiðbeiningar fyrir Sölu- og fjárhagskerfi á pdf formi:

Leiðbeiningar fyrir Fjárhagskerfi - Stofna bókhaldslykil með 25,5% VSK
Leiðbeiningar fyrir Sölukerfi - Breyta vörunúmerum
Leiðbeiningar fyrir Sölukerfi - Bakfærsla reiknings milli áranna 2009 og 2010

Starfsfólk Netbókhalds.is

 

oses can