Ný útgáfa af Java lokar á öryggisgalla print
Mánudagur, 14. janúar 2013 12:02

Vegna frétta sem birst hafa í fjölmiðlum á föstudag og um helgina vegna öryggisgalla í Java, vilja starfsmenn Netbókhald.is benda á að ný útgáfa af Java (Java 7 update 11), var gefin út á sunnudag, en hún lokar fyrir umrædda galla. Því er notendum ráðlagt að uppfæra Java í þá útgáfu (www.java.com)

Nánar:
Öryggisgallinn, sem sagt hefur verið frá, lýsir sér þannig að hægt hefur verið að keyra applet, án samþykkis notenda, á vefsíðu sem notendur eru gabbaðir til að skoða, appletið getur svo framkvæmt aðgerðir í óþökk notandans.

Netbókhald.is bendir á í þessu samhengi að þær hugbúnaðarlausnir sem fyrirtækið býður uppá, eru undirritaðar með öryggisskírteini og keyra á tölvum notenda með þeirra samþykki.

Þeir notendur sem óska aðstoðar við að setja upp nýjustu útgáfu af Java geta haft samband í síma 533 2090 eða sent tölvupóst á netbokhald@netbokhald.is.

Starfsfólk Netbókhald.is